Зеленский вазирларнинг "чақирувларга мувофиқлигини" кўриб чиқишни буюрди

Украина президенти Владимир Зеленский амалдаги вазирларнинг муаммоларни ҳал қилиш қобилиятини баҳолашни буюрди.

Зеленский бу ҳақда ўзининг Telegram’даги каналида маълум қилган.

"Ҳозирги вазирлар бу қиш ва уруш қийинчиликларига дош бера оладими ёки йўқми, деган аниқ хулосалар чиқариш учун баҳоланиши керак", деди Украина раҳбари.

Шунингдек, у энергетика ва адлия вазирлари лавозимига номзодлар кўрсатилишини, шунингдек, 2026 йилги давлат бюджети қабул қилинишини кутаётганини қўшимча қилди.

Аввалроқ Зеленский президент девони раҳбари Андрей Ермакнинг истеъфосини қабул қилган эди. Шунингдек, у ўз идорасини тўлиқ қайта тузилишини эълон қилди. У 29 ноябрь куни президент девони учун потенциал номзодлар билан маслаҳатлашувлар ўтказишини маълум қилди.