Зеленский ва Путин энди урушни тугатиш масаласини "ўзлари ҳал қилишлари" керак — Доналд Трамп

АҚШ президенти бундай фикрни журналистлар билан брифингда билдирди.

"Мен қарши эмасман. Яъни, ўзлари келишиб олишсин. Уларни бу вазиятга мен олиб келдим ва ўйлайманки, ҳаммаси изига тушиб кетади", — деди Оқ уй раҳбари.

Трамп, шунингдек, ҳозирда "Россия ва Украина ўртасидаги можаро ҳал қилиниши керак бўлган пайт яқинлашаётганига" ишонч билдирди ва агар у президент бўлганида, Россия босқини ҳеч қачон содир бўлмаслигини яна бир бор такрорлади.

Аввалроқ Украина президенти Володимир Зеленский Кремл раҳбари Владимир Путинга очиқ хат ёзиб, Россия томонидан бошланганига бешинчи йилдан ошган урушни тугатиш бўйича тўғридан-тўғри учрашув ўтказишга чақирган эди. Путин эса бу мактубни ўқиб чиққанини ва "ҳозирча учрашув ўтказишдан маъно кўрмаётганини" айтди.