Футбол бўйича таҳлилий тадқиқотлар олиб борадиган Football Meets Data компанияси 2026 йилги жаҳон чемпионатида плей-офф босқичига чиқиш эҳтимоли энг паст бўлган ўнта терма жамоа рўйхатини эълон қилди, деб хабар беради Sports.kz.
Ушбу рўйхатдан Ўзбекистон терма жамоаси ҳам жой олган. Таҳлилчилар ҳисоб-китобига кўра, миллий жамоамизнинг плей-оффга йўл олиш эҳтимоли 31,8 фоизга баҳоланган. Ўзбекистондан пастроқ кўрсаткичга эга терма жамоалар қуйидагилар: Ироқ — 15,4 фоиз, Гаити — 15,6 фоиз, Кюрасао — 19,4 фоиз, Иордания — 20,9 фоиз ва Панама — 27,3 фоиз.
Шунингдек, гуруҳ босқичида муваффақиятсиз иштирок этиш эҳтимоли юқори бўлган ўнта жамоа қаторига Тунис (35,8 фоиз), Саудия Арабистони (35,9 фоиз), Кабо-Верде (36,4 фоиз) ва Қатар (39,8 фоиз) терма жамоалари ҳам киритилган.
Эслатиб ўтамиз, Ўзбекистон терма жамоаси тарихда илк бор футбол бўйича жаҳон чемпионатида иштирок этади. Шунингдек, Иордания, Кабо-Верде ва Кюрасао терма жамоалари учун ҳам бу мусобақа дебют ҳисобланади.
Ўзбек футболчиларининг ўйиндан кейин қилган иши канадаликларни ҳайратга солди!
«Барселона» юлдуз футболчисидан кўнгли қолди ва уни сотишга қарор қилди
АПЛда нархи энг кўп ошган футболчилар маълум қилинди: Ҳусанов ҳам "топ-10"да
