Путин АҚШ ва Эрон ўртасидаги уруш ҳақида фикр билдирди

Россия президенти Владимир Путин АҚШ президенти Дональд Трампнинг ҳарбий ҳаракатларни тўхтатиш тўғрисидаги қарорини тўғри деб атади ва минтақада тинчликка умид билдирди.

Россия президенти Владимир Путин бу баёнотни Санкт-Петербург халқаро иқтисодий форумининг ялпи мажлисида айтди.

У шунингдек, Москва "Вашингтон, Теҳрон ва Тель-Авив билан алоқада", жумладан, Бушеҳр атом электр станциясидаги вазият бўйича ҳам эканлигини таъкидлади. "Ҳамма бизга станция яқинида тасодифий ракеталар қулаганига ишонтирмоқда. Ҳамма бизга бу бахциз ҳодиса бўлганига ва бу бошқа такрорланмаслигига ишонтирмоқда", деди у. "Бизни адаштираётганига ишониш учун ҳеч қандай сабабим йўқ", деб таъкидлади Путин.

Президент вазият тинчлангандан сўнг Россия республикада ядровий иншоотлар қуришни давом эттиришига ваъда берди. "Бироқ, Эроннинг тинчликпарвар ядровий лойиҳаларига чекловлар қўйиш борасидаги хавотирларини ҳал қилиш ҳам бу ерда роль ўйнаши мумкин", деб таъкидлади у.

Можаро сабаблари ҳақида гапирар экан, Путин Қўшма Штатлар билан можарода Эрон томонидан ҳеч қандай провокацияларни кўрмаётганини айтди. "Менимча, бир вақтлар биз келишувга эришганмиз, Эрон ядро дастури бўйича тегишли шартномани қабул қилганмиз ва ҳамма нарса МАГАТЭ назорати остида бўлган. Аммо, афсуски, вазият ўшанда бошқача, бошқа доирада ривожланди", деб таъкидлади у.

Россия раҳбари Москвада Теҳрон ядровий қурол ишлаб чиқаришга интилаётгани ҳақида ҳеч қандай маълумот йўқлигини таъкидлади: "Исроилнинг хавотирлари яхши маълум; улар Эрон ядровий қурол ишлаб чиқаришга интилаётгани ҳақидаги тасаввурлари билан боғлиқ." Президентнинг сўзларига кўра, Теҳрон илгари ҳам, ҳозир ҳам бундай қуролларни сотиб олиш режаси йўқлигини бир неча бор таъкидлаган.