Путин: "Ўзбекистон президенти билан кечки овқатни бирга ўтказганимиз учун Зеленскийнинг хатини кўришга вақт бўлмади"

Россия президенти Владимир Путин Украина президенти Владимир Зеленскийнинг очиқ хатини ўқиб чиққанини эълон қилди.

Путин бу ҳақда Санкт-Петербург халқаро иқтисодий форумининг ялпи мажлисида маълум қилди.

"Матбуот котиби Дмитрий Песков менга кеча бу хатни кўрсатди. Лекин биз Ўзбекистон президенти билан ишчи учрашув, ишчи кечки овқат ўтказдик. Очиғи, мен унга қарашга вақт топа олмадим. Бугун эрталаб Песков менга яна қоғозни узатди. Мен уни кўрдим", деди Путин.

У шунингдек, Москва ва Киев можароларни ҳал қилишнинг асосий масалаларини ўзаро ҳал қилишлари кераклигини, бошқа давлатлар эса кафил сифатида ҳаракат қилишлари мумкинлигини таъкидлади.

"Табиийки, асосий масалалар Россия ва Украина ўртасида ҳал қилиниши керак. Қўшма Штатлар ва дунёнинг бошқа минтақаларидаги ҳамкасбларимиз зарур шароитларни яратиши ва кафил сифатида ҳаракат қилиши мумкин. Биз бундан келиб чиқмоқдамиз", деди у.

Шуни таъкидлаш керакки, 4 июнь куни Украина президенти Владимир Зеленский Россия етакчиси Владимир Путинга музокаралар давомида шахсий учрашув ва сулҳ тузишни таклиф қилган очиқ хат ёзган эди.