Путин Украина бўйича музокаралар шартларини маълум қилди

Россия президенти Владимир Путин жаҳон ахборот агентликлари раҳбарлари билан учрашувда Украинадаги можаро бўйича музокараларни бошлаш учун ҳарбий ҳаракатларни тўхтатиб туришга ҳожат йўқлигини билдирди.

Давлат раҳбарининг таъкидлашича, Россия халқининг ватанпарварлиги ва иродаси махсус ҳарбий операциянинг барча мақсадларига эришишнинг асосий шартидир. Унинг сўзларига кўра, Москва Украинада тинчлик шартномасини имзолайдиган одамларни топади.

Путин, шунингдек, Киев томонидан нацизмнинг қайта тикланиши ҳамма учун таҳдид эканини ва Россиянинг Европа ёки НАТО билан жанг қилиш учун ҳеч қандай сабаби йўқлигини қўшимча қилди. Ҳозирда Россия ва Европа ўртасида разведка каналлари орқали алоқалар давом этмоқда.