Лос-Анжелес полицияси америкалик актёр Жеймс Хэндининг ўлдириб кетилиши юзасидан тергов ҳаракатларини олиб бормоқда. Бу ҳақда «Los Angeles Times» нашри хабар берди.
Воқеа Лос-Анжелеснинг Тарзана туманида содир бўлган. Полиция ходимлари у ерга «гуноҳкор инсонни ўлдирдим» деб қўнғироқ қилган эркакнинг мурожаатидан сўнг етиб келишган.
Воқеа жойига келган ҳуқуқни муҳофаза қилиш идораси ходимлари уй ҳовлисида 81 ёшли Хэндининг пичоқланган ҳолда, ҳушсиз ётганини аниқлашди. Жабрланувчи касалхонага ётқизилганига қарамай, шифокорлар унинг ҳаётини сақлаб қола олишмади.
Таъкидланишича, воқеа жойида 44 ёшли Майкл Гледхилл қўлга олинган ва у полиция қидираётган шахс айнан ўзи эканини тан олган. Маълумотларга кўра, гумонланувчи Хэнди билан ишқий муносабатда бўлган аёлнинг ўғли ҳисобланади.
Жеймс Хэнди «К-9: Ит иши», «Жуманжи» ва «Топ Ган: Мэверик» каби фильмлардаги роллари билан томошабинларга яхши таниш эди.
Ўзбекистонда янги кўл пайдо бўлди
Қирғизистонга юборилган 21 тонна тарвуз нега ортга қайтарилди?
Россия Молия вазирлиги ва Марказий банк Путинни огоҳлантирди
