Зеленский: "Раҳмат Трамп, раҳмат АҚШ"

"Мен АҚШ президенти Дональд Трамп билан гаплашдим." Бу ҳақда Украина президенти Владимир Зеленский ижтимоий тармоқларда маълум қилди.

"Биз жуда яхши суҳбатлашдик. Украинани қўллаб-қувватлашга тайёрлигингиз ва қотилликларни тўхтатиш ҳамда мустаҳкам ва адолатли тинчлик ўрнатиш учун биргаликда ишлашни давом эттиришга тайёрлигингиз учун ташаккур.

Президент Трамп НАТО бош котиби Марк Рютте билан учрашуви ҳақида гапирди. Бизда шундай яхши муносабатлар мавжудлиги муҳим, НАТО давлатлари мудофаа харажатларини оширишга ҳаракат қилмоқда.

Биз президент билан одамларни Россия ҳужумларидан кўпроқ ҳимоя қилиш ва позицияларимизни мустаҳкамлаш бўйича зарур қарорларни муҳокама қилдик. Биз тинчликка эришиш учун имкон қадар самарали ишлашга тайёрмиз.

Биз бир-биримизга тез-тез қўнғироқ қилиб, қадамларимизни мувофиқлаштиришга келишиб олдик. Раҳмат, жаноб Президент! Раҳмат, Америка!", - деди Зеленский.