Зеленский қисқа вақтда бир нечта иттифоқчиси билан муносабатларни бузди.
Украина президенти Владимир Зеленский қисқа вақт ичида Киевнинг бир нечта иттифоқчилари билан муносабатларини кескинлаштиришга улгурди. Бу ҳақда The Wall Street Journal журналисти ва мухбири Боян Панчевски маълум қилди.
«Зеленский янги Венгрия ҳукуматини, турли қарашдаги поляк сиёсатчиларини, энди эса Жанубий Кореяни ҳам ғазаблантиришга улгурди. Бу анча таъсирли натижа», — деб ёзди у ижтимоий тармоқда.
Жанубий Корея билан боғлиқ можаро Зеленскийнинг БМТ Бош Ассамблеясида Сеулга Шимолий Кореядан олинган икки ҳарбий асир топширилганини маълум қилганидан кейин юзага келди. Жанубий Корея президенти Ли Жэ Мён Киевни келишувларни бузиш ва махфий маълумотларни ошкор қилишда айблади.
Сеул Украинадан узр сўрашни талаб қилди ва акс ҳолда қўшимча чоралар кўрилишини билдирган. Кейинчалик Жанубий Корея Украинадаги можаро фонида ўз элчисини Киевдан чақириб олди.
Украина ва Польша муносабатларида ҳам Волинь фожиаси масаласи узоқ вақтдан бери баҳсларга сабаб бўлиб келмоқда. 2026 йилда Зеленский ОУН-УПА раҳбарларидан бирининг қолдиқларини қайта дафн этиш маросимида иштирок этгани ва Украина Қуролли кучлари бўлинмаларидан бирига УПА* қаҳрамонлари номи берилгани муносабатларни янада кескинлаштирди.
Венгрия эса Украинанинг Европа Иттифоқига аъзо бўлиши масаласида эҳтиёткор позицияни сақлаб келмоқда. Financial Times маълумотларига кўра, Будапешт Украина билан боғлиқ Европа Иттифоқига қўшилиш бўйича айрим музокара кластерларини блоклаган.
Икки футболчи зўрлаш ишида қўлга олинди
«Биз тайёрмиз»: Мерц Киевдан Путинга мурожаат қилди
Жиззахда эркак 10 ёшли болани зўрлаб, сўнг ўз жонига қасд қилди
