Россия президенти Владимир Путин генерал Сергей Суровикинни Киевдаги Днепр орқали ўтувчи кўприкларга зарбалар бериш режасига жалб этган бўлиши мумкин. Бу ҳақда Британиянинг «Тhe Telegraph» нашри маълум қилди.
Нашрга кўра, Россия қиш мавсумида Киевнинг транспорт ва муҳим инфратузилмасига босимни кучайтиришни режалаштириши мумкин. Днепр орқали ўтувчи етти кўприк эҳтимолий нишонлар сифатида тилга олинган. Уларнинг жиддий зарарланиши Киевнинг икки соҳили ўртасидаги транспорт алоқасини кескин қийинлаштириши мумкин.
Суровикин Россиянинг Суриядаги ҳарбий амалиётида иштирок этгани ва Алеппога зарбалар билан боғлиқ операцияларга раҳбарлик қилгани учун «Армагеддон генерали» лақабини олган.
«Тhe Telegraph» муаллифи Москва Украинадаги босимни кучайтириш учун Сурияда қўлланган инфратузилмага зарба бериш тактикасини такрорлаши мумкинлигини тахмин қилган.
Шу билан бирга, Суровикиннинг Киевга қарши янги операцияга расман тайинлангани ёки Путин унга кўприкларни йўқ қилиш ҳақида аниқ буйруқ бергани ҳозирча расмий тасдиқланган эмас.
Айни пайтда Киевдаги кўприкларга зарбалар аллақачон кучайган. Рейтер агентлиги 1–2 октябрь кунлари Жанубий кўприкка, 3 октябрь куни эса Шимолий кўприкка зарбалар берилганини хабар қилган. Ҳужумлар транспорт ҳаракатида жиддий узилишларга олиб келган.
Икки футболчи зўрлаш ишида қўлга олинди
«Биз тайёрмиз»: Мерц Киевдан Путинга мурожаат қилди
Жиззахда эркак 10 ёшли болани зўрлаб, сўнг ўз жонига қасд қилди
