Украина президенти Владимир Зеленский Оқ уй раҳбари Дональд Трамп билан ўртасида шахсий адоват йўқлигини, Вашингтон билан муносабатлардаги кескинлик эса шахсий масалалар билан боғлиқ эмаслигини билдирди.
Украина раҳбари бу ҳақда Киевда бўлиб ўтган матбуот анжуманида маълум қилди.
«АҚШ билан муносабатлардаги кескинлик Трамп билан шахсий муносабатларимга боғлиқ эмас. Гап Россияга қарши санкцияларни бекор қилиш ҳақида кетмоқда. Бу эса Россия президенти Владимир Путинни янада кучайтириши мумкин. Путинга бўлган муносабатим мутлақо аниқ. Агар биз санкцияларни бекор қилсак, уни янада кучайтирган бўламиз, деб ҳисоблайман. Бу мен билан президент Трамп ўртасидаги шахсий масала эмас. Албатта, санкцияларни ҳар қандай шаклда бекор қилишга қаршиман», — деди Зеленский.
Украина президенти, шунингдек, эртага АҚШ президентининг махсус вакили Стив Уиткоффдан унинг Россияда ўтказган музокаралари якунлари бўйича тафсилотларни олишни кутаётганини маълум қилди.
«Эртага Уиткофф билан биргаликда брифинг ўтказилади. Ўйлайманки, бизнинг жамоаларимиз АҚШ ва Европа ҳамкорлари билан самарали маслаҳатлашувлар ўтказади», — дея қўшимча қилди у.
Биз Ғазо сектори ва Ливан қишлоқларини вайрон қиляпмиз, бутун дунё эса бизга қойил қолмоқда
Биргина сурат махфий режани тасодифан ошкор қилди. 5 кун ичида нималар бўлди?
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
