Зеленский Келлог билан учрашуви натижаларини эълон қилди

Украина президентининг сўзларига кўра, учрашувда қурол-яроғ етказиб бериш ва ҳаво мудофаасини кучайтириш масалалари муҳокама қилинган. Шунингдек, АҚШ қуролларини харид қилиш, қўшма мудофаа корхоналарини ташкил этиш ва уларни Украинада жойлаштириш ҳақида мулоқот қилинган.

"Мен АҚШ президентининг махсус вакили Кит Келлогга Россиянинг энергетика соҳасига нисбатан янада қатъий чекловлар, хусусан, Россия нефтини сотиб олаётганларга нисбатан иккиламчи санкциялар жорий этилиши кераклигини айтдим. Шунингдек, Украина АҚШ Конгрессида сенаторлар Грэм ва Блюменталнинг қонун лойиҳаси илгари сурилишига умид қилаётганини билдирдим", — деди Зеленский.