Украина президенти Владимир Зеленский Германияга Украинани тиклаш бўйича конференцияда ва федерал канцлер Олаф Шольц билан музокараларда иштирок этиш учун келди. Бу ҳақда 11 июнь, сешанба оқшомида Украина давлати раҳбари маълум қилди.
«URC2024 ҳукуматларни бирлаштиради, улардан ўнтаси Украинага ёрдам бериш учун бош вазирлар, компаниялар ва ташкилотлар даражасида», — деб ёзди Зеленский.
Унинг таъкидлашича, Олаф Шольц билан музокараларда мудофаани янада қўллаб-қувватлаш, Украина ҳаво ҳужумидан мудофаа тизимини ривожлантириш ва биргаликда қурол ишлаб чиқариш масалалари муҳокама қилинади. Бундан ташқари, тинчлик саммити, Европа кенгаши саммити ва НАТО саммити арафасида позициялар мувофиқлаштирилади.
Зеленскийнинг Германия президенти Франк-Валтер Штайнмаер ва Бундестаг раҳбари Бербел Бас билан ҳам учрашиши режалаштирилган. Бундан ташқари, давлат раҳбари украиналик ҳарбийлар тайёрланаётган ҳарбий базага ташриф буюради.