Зеленский: "Биз Россия билан, лекин Россиянинг бошқа президенти билан мулоқотга тайёрмиз"

Украина президенти Владимир Зеленский мамлакат энди тезлаштирилган тарзда НAТОга аъзо бўлиш учун ариза топшираётганини айтди. У Финляндия ва Швеция алянсига тезда қўшилиши ҳақида гапирди.

НAТОга аъзо бўлиш учун ариза топшириш қарори Миллий хавфсизлик ва мудофаа кенгашининг 30 сентабрдаги йиғилиши якунлари бўйича қабул қилинган.

"Де-факто(аслида мавжуд, аммо қонуний тасдиқланмаган), биз аллақачон НAТОга йўл олдик. Де-факто, биз аллақачон алянс стандартларига ўзаро мувофиқлигини исботладик, улар Украина учун ҳақиқий жанг майдонида ва ўзаро ҳамкорлигимизнинг барча жабҳаларида ҳақиқийдир", деди Украина президенти.

"Шимолий Атлантика Иттифоқи бу. Биз бир-биримизга ишонамиз, бир-биримизга ёрдам берамиз ва бир-биримизни ҳимоя қиламиз. Де-факто. Бугун Украина буни қонуний қилиш учун мурожаат қилмоқда. Бутун ҳамжамиятимизни ҳимоя қилишдаги аҳамиятимизга мос келадиган тартибда, тезкор равишда ариза берамиз”, - деди Зеленский

"Биз ижобий жавоб олишимизни биламиз. Финляндия ва Швеция бу йил аъзолик бўйича ҳаракатлар режасисиз иттифоққа қўшила бошлаганини кўрдик", - дея қўшимча қилди у.

Зеленский, шунингдек, Украина Россияга ҳар доим тенг, ҳалол, муносиб ва адолатли шароитларда бирга яшашга келишиб олишни таклиф қилганини айтди

"Очиғи, Россия президенти билан келишишнинг иложи йўқ. У қадр-қиммат ва ҳалоллик нималигини билмайди. Шунинг учун биз Россия билан, лекин Россиянинг бошқа президенти билан мулоқотга тайёрмиз", деди у.

Зелинский Украинанинг барча ҳудудлари душманлардан озод қилинишини қўшимча қилди. айтди.