Украина президенти Владимир Зеленскийнинг маълум қилишича, Ослода Дональд Трамп вакиллари билан бўлиб ўтган учрашувда НАТО шартномасининг 5-моддаси тамойилига асосланган хавфсизлик кафолатлари муҳокама қилинган.
Зеленский учрашувдан сўнг АҚШнинг махсус вакили Стивен Уиткофф билан музокаралар ҳақида маълумот берди. Унинг сўзларига кўра, Америка томони бундай кафолатлар «кучли» бўлиши кераклигини тасдиқлаган. Тегишли таклифлар ҳужжатда ҳам акс эттирилган.
Зеленскийнинг таъкидлашича, АҚШ Киевга разведка маълумотларини тўлиқ ҳажмда тақдим этишни қайта бошлаган. Шунингдек, Украина 48 соат ичида Starlink хизмати қайта тикланишини кутмоқда.
Киев Россия ҳам шундай қадам ташлаган тақдирда, Россия энергетикасининг «сезгир объектлари»га зарба беришдан воз кечишга тайёрлигини билдирган.
Ослога ташрифдан сўнг Стивен Уиткофф ва Трампнинг яна бир махсус вакили, унинг куёви Жаред Кушнер Россияга йўл олади. Зеленскийнинг айтишича, улар Россия томонига Украинанинг хавфсизлик кафолатлари бўйича таклифларини етказади.
Украина эса Москвадан жавобни 24 соат ичида кутишини маълум қилган.
Ўзбекистондан учган иккита самолёт ва яна 370 дан ортиқ бошқа рейслар дрон таҳдидлари туфайли Москвага қўна олмади
Шоҳжаҳон Эргашевнинг Тошкентдаги жанги жанжал билан ниҳоясига етди
40 млн одам Жанубий Осиёдан кўчишга мажбур бўлиши мумкин
