Ўзбекистон U-17 терма жамоаси эртага Жаҳон чемпионатида ўз юришини Парагвайга қарши ўйин билан бошлайди.
Терма жамоамиз устози Исломбек Исмоилов эртанги ўйин ҳақида қисқа фикрини билдирди.
«Жамоада кайфият аъло даражада. Тайёргарлик етарли даражада олиб борилди. Футболчилар 100 фоиз ўйинга тайёр. Эртанги рақибимиз ўз қитъасининг энг кучли терма жамоаларидан бири. Осон ўйин бўлмайди. Жаҳон чемпионатида осон рақибнинг ўзи йўқ, шунга қарамай эртанги ўйинга биз жанговар руҳда тайёргарлик кўрдик», - деди мураббийимиз.
Эртанги учрашув Тошкент вақти билан 18:00'да старт олади.