Юридик шахслардан олинадиган мол-мулк ва ер солиғи суммалари Кадастр органлари маълумотлари асосида ҳисобланади

Агар корхонага тегишли кўчмас мулк ва ер майдонлари ҳамда солиқ органларидаги мавжуд маълумотлар ўртасида тафовутлар мавжуд бўлса, унга аниқлик киритиш юзасидан кадастр органларига мурожаат қилиш лозим.

Маълумот учун:
Имтиёз ва алоҳида солиқ ставкаси қўлланиладиган кўчмас мулк объектлари ва ер участкалари ҳамда кўчмас мулкнинг ўртача йиллик қолдиқ қиймати тўғрисидаги маълумотлар мй3.солиқ.уз – электрон солиқ хизматлари порталининг қуйидаги бўлимларидан мурожаат юбориш орқали шаклланади.
▫️ «Солиқ имтиёзларидан фойдаланиш бўйича мурожаат»;
▫️ «Алоҳида солиқ ставкаси қўлланиладиган кўчмас мулк объектлари ва ер участкалари».

Эслатма:
2024 йил 1 январдан солиқ тўловчиларнинг танловига кўра юридик шахслардан олинадиган мол-мулк ва ер солиқлари бўйича солиқ ҳисоботларини солиқ органлари томонидан автоматик тарзда шакллантириш тартиби жорий этилади.