Сўнгги кунларда ижтимоий тармоқларда яйлов ер участкаларидан фойдаланаётган айрим фуқаролар ва хўжаликларнинг ҳуқуқлари бузилаётгани ҳақида тарқалган хабарлар юзасидан Ветеринария ва чорвачиликни ривожлантириш қўмитаси расмий муносабат билдирди.
Қўмита баёнотига кўра, давлатимиз раҳбарининг "Яйловларни муҳофаза қилиш ва улардан оқилона фойдаланишнинг замонавий механизмларини жорий этиш чора-тадбирлари тўғрисида"ги фармонига асосан, яйловлардан самарали ва мақсадли фойдаланиш бўйича тизимли ишлар олиб борилмоқда. Жумладан, яйловларни чорвачилик эҳтиёжлари учун фойдаланилишини таъминлаш, бошқарувнинг ихчам ва шаффоф тизимини яратиш, уларни ноқонуний даромад манбаига айлантиришга чек қўйиш мақсад қилинган.
Ҳозирда ваколатли ташкилотлар билан ҳамкорликда яйлов ер участкалари хатловдан ўтказилиб, ҳудудий яйлов хўжаликлари балансига қабул қилинмоқда ва уларнинг давлат рўйхатидан ўтказилиши таъминланмоқда. Фармон кучга кирган санада ушбу ерлардан доимий ва самарали фойдаланган хўжаликлар билан шартномалар фармон талабларига мувофиқ тарзда расмийлаштирилмоқда.
Қўмита баёнотида қайд этилишича, Республика комиссияси томонидан тасдиқланган тартиб асосида фақат расмий хатловдан ўтган ва давлат рўйхатига киритилган яйловлар ижарага берилмоқда. Шу боис, айрим ижтимоий тармоқ фойдаланувчилари томонидан тарқатилаётган ҳуқуқий асосга эга бўлмаган ҳақиқатга тўғри келмайди ва улар асоссиздир.
Ветеринария ва чорвачиликни ривожлантириш қўмитаси жамоатчиликни ишончли манбаларга таянишга, фармон ижроси бўйича аниқлаштирилган маълумотлар олиш учун тегишли ҳудудий яйлов хўжаликлари бошқармаларига мурожаат этишга чақирди.
Ҳоким ўринбосари ўзини ёқиб юбордими?
“Ота-онам мен билан гаплашмайди…” Блогер Марям Тиллаева шахсий ҳаёти ҳақида интервью берди
Россия юлдузи Ўзбекистон термасига ўтди
