Японияда кучли қор ёғиши оқибатида камида 16 киши ҳалок бўлди ва 120 киши жароҳат олди

Бу ҳақда маҳаллий ҳокимият хабар берди.

JR Hokkaido темир йўл компаниясининг маълумотларига кўра, кучли қор ёғиши туфайли Ҳоккайдо оролида қарийб 1000 та поезд ҳаракати бекор қилинди ёки кечиктирилди.

Темир йўл операторининг маълумотларига кўра, 25 январь куни 545 та, 26 январь куни эса яна 405 та поезд ҳаракати бекор қилинди ёки кечиктирилди. Шундай қилиб, икки кун ичида 950 та поезд ҳаракати бекор қилинди ёки кечиктирилди. Бу эса 140 000 дан ортиқ йўловчига ноқулайликни юзага келтирди. Кечикишлар 26 январь оқшомигача давом этди, деб хабар берди report.az.