Японияда бир ой ичида мингдан ортиқ компания банкрот бўлди

Tokyo Shoko Research Corporation 10 июнь куни маълум қилишича, май ойида Японияда корпоратив банкротлик ҳолатлари (қарз миқдори 10 миллион иендан ошган) 1009 тага етган ва ўтган йилнинг шу даврига нисбатан 42,9 фоизга ошган.

Kyodo News ахборот агентлиги маълумотларига кўра, 2013 йилнинг июлидан бери Японияда тахминан 11 йил ичида биринчи марта бир ой ичида 1000 дан ортиқ компания банкрот бўлган.

Бунга асосан нархларнинг кўтарилиши ва ишчи кучи танқислиги, шунингдек, коронавирус пандемияси туфайли кредитларнинг тўланмаганлиги сабаб бўлди. Бундан ташқари, турли ҳолатлар ушбу компаниялар фаолиятига тўсқинлик қилган.

Прогнозларга кўра, 2024 йилда Японияда банкрот деб эълон қилинган компаниялар сони 10 мингдан ошиши мумкин.