Япониянинг Smart Lander for Investigating Moon (SLIM) модули 2024 йил 20 январда Ой юзасига юмшоқ қўндирилади.
NHK телеканалининг Япония аэрокосмик тадқиқотлар агентлигидаги манбаларига таяниб хабар беришича, модуль 25 декабрь куни Ой орбитасига чиқиши керак, шундан сўнг унинг парвоз миссиясига тузатишлар киритилиши мумкин.
Қурилма мўлжалланган нуқтадан 100 метрдан узоқ бўлмаган масофада тахминан 20 дақиқада Ойга тушиши керак.
“Ойга зонднинг муваффақиятли қўниши Японияни Совет Иттифоқи, АҚШ, Хитой ва Ҳиндистондан кейин бундай муваффақиятга эришган бешинчи давлатга айлантиради”, деб хабар берди телеканал.
200 килограммли SLIM модулининг баландлиги – 2,4 метр. Қурилманинг асосий мақсади Ой юзаси рельефини ўрганиш ва Ернинг табиий йўлдошидаги жинсларнинг элементар таркибини аниқлашдан иборат, деб хабар беради lenta.ru.
Қодировнинг аҳволи жуда оғир: у ворис қидирмоқда
Франция Россия Ғалаба байрамига таклиф қилинмаганидан ғазабланди
“Зудлик билан тарк этинг!” — Украинада хавфли ҳудудлар бўйича шошилинч чақириқ
