Халқимизда “етти ўлчаб бир кес” деган нақл бежиз айтилмаган. Бирор-бир ишга киришишдан олдин унинг афзалликлари ва салбий жиҳатлари ҳақида обдон фикр юритиб, сўнг амалга ошириш мақсадга мувофиқ бўлади.
Андижон шаҳридан уй сотиб олган фуқаро ҳам унинг ҳужжатларини расмийлаштирмасдан туриб, сотувчига хонадоннинг ҳақини тўлаб қўйган. Нотариал идорага боргач эса, уй тақиқдалигини ва ўз номига ҳужжатлаштириб ололмаслигини билган.
Сабаби, уйни сотган фуқаронинг банкдан 30 млн. сўмдан ортиқ кредит қарзи мавжуд бўлса-да, Бюро ходимлари огоҳлантиришларига қарамай тўламасдан келган. Оқибатда, қарздорга тегишли кўчмас мулкка тақиқ қўйилган.
Уйни сотиб олган фуқаро эса ушбу уйни қўлдан бой бермаслик учун сотувчининг банк олдидаги қарзларини тўлашига тўғри келди.
Шундай қилиб, М.С.нинг “Агробанк” Андижон вилоят филиали олдидаги 30 289 264 сўм қарздорлиги тўлиқ қопланди.
