Эрон Исроилнинг ҳужумлари натижасида шикастланган барча ҳаво мудофаа тизимларини янгилади

Бу ҳақда Эрон армияси бош қўмондони ўринбосари Маҳмуд Мусавий маълум қилди.

"Теҳрон қисқа вақт ичида мудофаа қобилиятини тиклай олди", — дея таъкидлади у.

Мусавийнинг сўзларига кўра, Эрон кучлари яқин вақт ичида Исроилнинг ҳужумларидан сўнг мавжуд тизимлардан фойдаланган ҳолда ва янгиларини ўрнатиш орқали мамлакат ҳаво ҳудудининг хавфсизлигини таъминлашга муваффақ бўлган.

Шунингдек, у Исроил ҳужумлари вақтида эришилган ютуқлар ҳақида тўхталар экан, армия ҳаракатлари мамлакатнинг мудофаа салоҳиятини ва ташқи таҳдидларга қарши жавоб беришга бўлган қатъиятини исботлаганини қўшимча қилди.