Хитой Савдо вазирлиги Европа Иттифоқининг Россияга қарши янги санкциялари Пекин ва Брюссел ўртасидаги муносабатларга салбий таъсир кўрсатаётганини айтди. Бу ҳақда 21 июль, душанба куни маълум қилинди. Гап 18 июль куни Россиянинг Украинага қарши давом этаётган тажовузи муносабати билан Европа Иттифоқида қабул қилинган Москвага қарши чеклов чораларининг 18-пакети ҳақида кетмоқда.
“Европа Иттифоқининг ҳаракатлари Хитой ва ЕИ раҳбарлари ўртасида эришилган келишувларга зиддир ва Хитой ва Европа Иттифоқи ўртасидаги савдо муносабатлари ва молиявий ҳамкорликка жиддий салбий таъсир кўрсатади”, — деди вазирлик вакили Пекинда журналистларга.
Россия "соя" флотининг 105 танкери Брюссел чекловлари остида қолди. Россия нефтининг нархи бир баррель учун 47,6 долларгача туширилди. Хитойнинг иккита банки – Heihe Rural Commercial Bank ва Heilongjiang Suifenhe Rural Commercial Bank ҳам санкциялар рўйхатига киритилган. Европа Иттифоқи маълумотларига кўра, ушбу молия институтлари криптовалюта операциялари билан шуғулланган, бу эса Москвага қарши санкциялар самарадорлигига путур етказган.
“UzAuto Motors” янги тўлов шартларини эълон қилди
Наманганлик отахон рекорд жаримани «ишлаб олди»
Айрим мактабларда қизларга юбка кийиш тақиқланди. Ота-оналар норози!
