Янги iPhone моделларининг нархлари эълон қилинди

Apple компанияси янги iPhone 17 смартфонини тақдим этди. У 6 ядроли А19 процессори, катталаштирилган экран ва 256 Gb бошланғич хотирага эга бўлади.

Смартфон бешта рангда чиқарилади ва қурилмани бурмасдан вертикал ёки горизонтал ҳолатда суратга олиши мумкин бўлган янги фронтал камерага эга бўлади.

Маълум бўлишича, iPhone 17 Air компания тарихидаги энг нозик смартфон. Унинг қалинлиги атиги 5,6 мм. Ғилоф титандан қилинган - бу Apple компаниясининг энг бардошли смартфони. У тўртта рангда чиқарилади ва А19 Pro процессорини олди. Асосий камера 48 MP.

Янги iPhone моделларининг нархлари қуйидагича:

• iPhone 17 — $799
• iPhone Air — $999
• iPhone 17 Pro — $1099
• iPhone 17 Pro Max — $1199