Австрия ташқи ишлар вазири Беате Майнль-Райзингер мамлакатнинг нейтралликдан воз кечиши ва НАТОга қўшилиши масаласини жамоатчилик муҳокамасига тайёр эканини маълум қилди.
Die Welt нашрига берган интервьюсида у шундай деди: кучаяётган беқарорлик ва «Россиянинг тобора тажовузкор сиёсат» юритаётгани шароитида Австриянинг олдинги мақоми энди ишончли ҳимояни таъминламайди.
📣 Вазирнинг сўзларига кўра, ҳозирча мамлакатда НАТОга аъзо бўлиш учун на парламентда, на жамоатчилик орасида кўпчилик йўқ, аммо Австриянинг мудофаа сиёсати келажаги борасидаги муҳокама "жуда самарали бўлиши мумкин".
У мудофаа соҳасига инвестицияларни ошириш ва хавфсизлик бўйича ҳамкорлар билан алоқаларни мустаҳкамлаш муҳимлигини таъкидлади.
Австрия 1955 йили оккупациячи қўшинлар чиқиб кетганидан сўнг ва суверенитет тикланганидан кейин "доимий нейтраллик" мақомини эълон қилган эди. Бироқ, Deutsche Welle таъкидлашича, Австрия шундан бери НАТО билан фаол ҳамкорлик қилиб келмоқда.
Аввалроқ Россия ТИВ вакили Мария Захарова Австрияни ғарб қуролларини ўз ҳудуди орқали транзит қилиш орқали нейтрал мақомни бузганликда айблаган эди.
Эслатиб ўтамиз, илгари нейтрал бўлган Финляндия ва Швеция 2023 ва 2024 йилларда НАТО аъзоси бўлишди.
Исроил Туркиянинг қароридан безовта бўлмоқда
Назарбоев бойлик рейтингида Трампдан ўзиб кетди
Ҳиндистон ҳукумати Сентинел қабиласини рўйхатга олишда муаммога дуч келмоқда
