Ямалнинг формаси 24 соатда рекорд миқдорда сотилди

Ламин Ямалнниг ажойиб ўйинларидан кейин унинг исми туширилган либослар рекорд даражада сотилган.

Инсайдер Мигел Риконинг сўзларига кўра, Ямалнинг Nike формаси клуб тарихида бир кун ичида энг кўп сотилган либосга айланди. Савдо 24 соат ичида 2.1 миллион еврони ташкил этди. Ямал нафақат майдонда балки майдондан ташқарида ҳам жамоанинг асосий фигураларидан бирига айланган.

Маълумот ўрнида, Ямал жорий мавсум «Барселона» сафида барча мусобақаларда 53 та учрашувда 17 та гол ва 25 та голли узатма қайд этган. Transfermarkt портали 17 ёшли вингернинг қийматини 180 миллион еврога баҳолаган.