«Ягона Россия» Давлат Думаси сайловларида ғалаба қозонди — экзитполлар

ВЦИОМ экзитполи маълумотларига кўра, «Ягона Россия» 49,4 фоиз овоз тўплаган. КПРФ — 14,2 фоиз, ЛДПР — 10,7 фоиз, «Янги одамлар» — 9,7 фоиз, «Адолатли Россия» — 6,6 фоиз овоз олган. Қолган партиялар 5 фоизлик тўсиқдан ўта олмаган.

Ижтимоий маркетинг институти (ИНСОМАР) экзитполи натижаларига кўра эса, «Ягона Россия» 50,8 фоиз, КПРФ — 14,8 фоиз, ЛДПР — 9,9 фоиз, «Янги одамлар» — 8,6 фоиз, «Адолатли Россия» — 5,5 фоиз овоз тўплаган.

Бундан ташқари, Россия Марказий сайлов комиссияси 14 фоиз сайлов баённомалари қайта ишланганидан кейинги дастлабки натижаларни эълон қилди. Унга кўра, «Ягона Россия» 57,54 фоиз овоз олган.