Мадрид дербисидан кейин ҳакамлик билан боғлиқ баҳслар давом этмоқда.
Diario AS нашри маълумотига кўра, Испания Ҳакамлар техник қўмитаси учрашувдаги энг баҳсли эпизодлардан бири юзасидан хулоса берган.
Гап "Атлетико" ҳужумчиси Ли Кан Иннинг "Реал" ярим ҳимоячиси Федерико Вальвердега нисбатан қўпол ҳаракати ҳақида кетмоқда. Жанубий кореялик футболчи рақибининг оёғига бутсасининг шиплари билан қаттиқ босган, аммо бош ҳакам Мигель Анхель Ортис Ариас унга ҳатто сариқ карточка ҳам кўрсатмаган.
Манбага кўра, Ҳакамлар техник қўмитаси мазкур вазиятда "Атлетико" футболчиси тўғридан-тўғри қизил карточка олиши керак бўлганини тан олган.
Шу билан бирга, реферининг бошқа муҳим қарорлари тўғри деб баҳоланган. Хусусан, 50-дақиқада "Реал" ҳимоячиси Дин Хёйсеннинг майдондан четлатилиши қоида доирасида қабул қилинган қарор сифатида қайд этилган.
"Атлетико" рақиб бир киши кам бўлиб қолганидан кейин устунликдан фойдаланди ва дербини 2:1 ҳисобида ўз фойдасига ҳал қилди.
Ўзбекистон терма жамоасига чақирилмаган ТОП-5 футболчи
Ҳусановга жуда юқори балл беришди
Шомуродовни Туркияда "эплаб" бўлмаяпти — "Башакшеҳир" йирик ҳисобда ғалаба қозонди
