Хоразмга қарийб 8 миллион доллар эвазига 80 та замонавий автобус олиб келинмоқда

Президент вилоятга ташрифи чоғида жамоат транспортида яратилаётган шароитлар билан танишди.

Маълум қилинишича, “ЕВРО-5” стандартларига мос ушбу автобуслар 70 йўловчига мўлжалланган бўлиб, паст полли дизайни ногиронлар ва кексалар учун қулайлик яратади. Уларда Wi-Fi ва кузатув камералари ҳам мавжуд. Ҳозирга қадар шундан 50 таси келтирилган.

Аввалги кичик автобусларнинг ҳар бири кунига 200-300 кишини ташиган бўлса, янги автобусларнинг ҳар бири минг кишига хизмат кўрсатмоқда. Қатнов оралиғи 5–12 дақиқагача қисқарди.