Илон Маск Марсни колонизация қилиш орзусида юрган пайтда, хитойликлар AliExpress'дан буюртмаларни етказиб бериш учун кўп марталик ракетани синовдан ўтказишмоқда. Уни аллақачон Алибаба билан шартнома имзолашга улгурган маҳаллий Space Epoch стартапи ишлаб чиқмоқда.
Ғоя бўйича, ракета 10 тоннагача юк билан, бор-йўғи бир соат ичида дунёнинг исталган нуқтасига уча олади (албатта, агар кимдир Хитойдан ракетани қабул қилишга қарор қилса), у ерда товарлар туширилади ва маҳаллий омборларга етказилади.
Бундан ташқари, ракетадан сунъий йўлдошларни учириш ва бошқа миссиялар учун фойдаланиш ҳам режалаштирилган.
