Хитойдаги заводга экскурсия учун ташриф буюрган олти нафар талаба ҳалок бўлди

Хитой шимолидаги Ички Мўғулистон автоном районидаги мис-молибден рудасини бойитиш заводида юз берган авария оқибатида олти киши ҳалок бўлди.

Бу ҳақда Xinhua агентлиги хабар берди.

Унинг маълумотларига кўра, фавқулодда ҳолат чоршанба куни Хулун-Буир шаҳрида жойлашган China National Gold Group компаниясининг объектида содир бўлган. Қурбонларнинг барчаси Шимоли-шарқий университет талабалари эди.

Тергов маълумотларига кўра, ўқувчилар экскурция вақтида панжара плитасининг қулаши оқибатида флотацион камерага тушиб кетган. Уларнинг ўқитувчиси ҳам яраланган.

Полиция ҳодиса тафсилотларини аниқламоқда, тергов ҳаракатлари олиб борилмоқда.