Январь-июнь ойларида Хитойда содир бўлган ёнғинлардан кўрилган тўғридан-тўғри моддий зарар 4,08 миллиард юанни (мамлакат Марказий банкининг жорий курси бўйича 570 миллион доллардан ортиқ) ташкил этди.
Бу ҳақда Хитой Халқ Республикаси миллий ёнғин хавфсизлиги ва қутқарув бошқармаси стратегик ва ҳуқуқий масалалар бўлими катта менежери Лю Цзиян маълум қилди.
Унинг матбуот анжуманида таъкидлашича, бу кўрсаткич 2024 йилнинг шу даврига нисбатан 9,3 фоизга кам. “Хитойда сўнгги олти ой ичида жами 552 минг ёнғин қайд этилган. Уларнинг сони амалда бир хил даражада сақланиб қолган”, — дея қўшимча қилди расмий. "1084 киши ҳалок бўлди, яна 1149 киши жароҳат олди."
Лю Цзияннинг таъкидлашича, Хитойда олти ой давомида содир бўлган ёнғинлар натижасида қурбон бўлганлар ва жароҳатланганлар сони ўтган йилнинг шу даврига нисбатан мос равишда 6,2 фоизга ва 16,9 фоизга камайган. Унинг таъкидлашича, мамлакатдаги ёнғинлар биринчи навбатда электр жиҳозларининг носозлиги, уйда ёнғинга эҳтиётсизлик билан муносабатда бўлиш, чекиш ва назоратс из ёнғин манбалари сабаб бўлган.
Машҳур блогер Абдурозиқ Дубай аэропортида ҳибсга олинди
Дилшод Тўрахўжаев иши: Россия Ўзбекистонга нота йўллади
“UzAuto Motors” янги тўлов шартларини эълон қилди
