Хитой Зеленскийнинг Россияга қурол етказиб бериш ҳақидаги айбловларини “сиёсий манипуляция” деб атади

"Хитой ҳеч қачон можаро тарафларидан бирортасига ўлимга олиб келувчи қуроллар етказиб бермаган ва ҳар доим иккиламчи мақсадли маҳсулотлар экспортини қатъий назорат қилиб келган", — деди Хитой Ташқи ишлар вазирлиги вакили Лин Цзянь.

Аввалроқ президент Зеленский Украина разведкаси маълумотларига таяниб Хитой Россия армиясига қурол етказаётганини маълум қилган эди. Украина президенти, шунингдек, Киев бу борада кейинги ҳафтада “батафсил” маълумот беришини қўшимча қилганди.