Хитой Тайваннинг саккизта ташкилотининг экспорт назорати рўйхатига қўшди

Хитой Халқ Республикаси Савдо вазирлиги миллий хавфсизлик ва манфаатларни ҳимоя қилиш мақсадида саккизта Тайван ташкилотини экспорт назорати рўйхатига қўшди. Бу ҳақда бошқарма баёнотида айтилган. Рўйхатга Aerospace Industrial Development, GEOSAT Aerospace & Technology, National Chung-Shan Institute of Science & Technology, JC Technology, CSBC Corporation, Jong Shyn Shipbuilding, Lungteh Shipbuilding ва Gong Wei компаниялари киради. Вазирлик рўйхатдаги ташкилотларга икки мақсадли товарларни олиб чиқишни тақиқлайди. Етказиб бериш дарҳол тўхтатилиши керак.