Россия ва Украина ўртасидаги уруш назоратдан чиқиб кетмаслиги лозим. Ҳар икки томон ҳам ўз халқларининг асосий манфаатларини кўзлаб, бир-бирининг суверенитетини, мустақиллигини ва ҳудудий яхлитлигини ўзаро ҳурмат қилган ҳолда, шунингдек, бир-бирининг қонуний хавотирларини инобатга олган ҳолда иш тутишлари керак. Бу ҳақда Хитой Ташқи ишлар вазирлиги раҳбари Ван И баёнот берди. Унинг сўзларини вазирлик матбуот хизмати келтирмоқда.
«Биз тинчлик тарафида қатъиймиз. Урушларда ғолиблар йўқ, можароларнинг келажаги йўқ. Тинчликка имконият бериш керак. Вазиятни совутиш, можаронинг жанг майдонига тарқалишининг олдини олиш ва уруш авж олишига йўл қўймаслик ниҳоятда муҳим», — деди Ван И.
Россия ва Украина бир-биридан узоқлаша олмайдиган қўшнилар, уларнинг ягона танлови ҳамжиҳатликда яшаш, деди вазир. У бутун дунё тинч йўл билан тартибга солиш йўлини қўллаб-қувватлашига умид билдирди.
«Тинчлик уруғини сепинг, улар бир кун келиб тупроқни ёриб, униб чиқади, ўсади ва кўпаяди», - деди Хитой Ташқи ишлар вазирлиги раҳбари.
Усейн Болт ва гепард ўртасида 100 метрга пойга уюштирилди
Европа уялиши керак: Россия Украинада бегуноҳ одамларни қириб ташлаётган пайтда, Европа Иттифоқи Путинга 20 миллиард фунт стерлинг юборди
Россия кемаси Норвегия кемасига қарата ўт очди
