Хитойнинг автомобиль ишлаб чиқарувчи GAC компанияси Хитойдан импорт қилинадиган товарларга Европа Иттифоқи тарифларини четлаб ўтиш учун Европада электромобиллар ишлаб чиқаришни йўлга қўйиш имкониятларини кўриб чиқмоқда. Бу ҳақда Reuters ёзмоқда.
Reuters агентлиги компаниянинг халқаро бизнес бўйича бош менежери Вэй Хэганга таяниб ёзишича, GAC Европа бозорида ҳали машина сотмайди, бироқ Париж автосалонида европалик харидорлар учун мослаштирилган электр йўлтанламасни тақдим этишни режалаштирмоқда. Концерн Европани Брюсселнинг Хитой электромобилларига юқори тарифлар жорий этиш қарорига қарамай, “нисбатан очиқлигича қолаётган” асосий ҳудудлардан бири сифатида кўради.
"Ишлаб чиқаришни Европада маҳаллийлаштириш бу муаммони ҳал қилиш йўлларидан бири бўлиши мумкин", дейди Вэй Хэган мавжуд вазият ҳақида ва компания "бу имкониятни жуда фаол ўрганаётганини" таъкидлайди.
GAC қўшимча қилдики, бундай муҳокамалар "дастлабки босқичда". Шунингдек, компания Европада ўз заводини қуриш ёки мавжуд заводни сотиб олиш борасида ҳали қарор қабул қилгани йўқ.
Reuters агентлигининг хабар беришича, концерни Парижда тақдим этадиган Aion V деб номланади, унинг масофаси 520 км ва кутилаётган нархи компания режасига кўра, электромобиль Европа бозорида 2025 йил ўрталаридапайдо бўлади.
