Хитой дунёдаги энг йирик кемасозлик корпорациясини ташкил этмоқда — The Wall Street Journal

Нашрнинг манбаларига таяниб хабар беришича, давлатга қарашли China State Shipbuilding Corporation (CSSC) акциялар орқали қўшилиш йўли билан China Shipbuilding Industry Corporation'ни (CSIC) ўз таркибига қўшиб олишга тайёргарлик кўрмоқда. Янги бирлашган компания дунёдаги кемасозлик қувватларининг қарийб 20 фоизини назорат қилади. Янги гигантнинг активлари ҳажми ва бозор қиймати ўнлаб миллиард долларга баҳоланмоқда.

Илгари бу компаниялар битта тузилма бўлган, аммо 1999 йилда Пекин рақобатни ривожлантириш мақсадида уларни ажратган эди. CSIC асосан тижорий кемасозлик билан шуғулланади, шунингдек, унинг ҳарбий-денгиз бўлинмаси ҳам бор. Масалан, айнан CSIC Хитойнинг биринчи авиаташувчи кемаси, “Шандун”ни қурган.

Тhe Wall Street Journal'нинг ёзишича, икки кемасозлик компанияларини қўшиш орқали Пекин соҳада самарадорликни ошириш ва тармоққа бўладиган зарбаларга нисбатан барқарорликни кучайтиришга умид қилмоқда.