Фаластиннинг ҲАМАС ҳаракати 13 октябрь куни Исроил қамоқхоналаридан озод қилинган фаластинликларни табриклаб, Ғазо сектори ишғоли тўлиқ тугатилмагунча қаршиликни давом эттириш зарурлигини таъкидлади.
Бу ҳақда ХАМАС ҳаракати ижтимоий тармоқларда баёнот берди.
"Асирларни алмаштириш операцияси тарихий ютуқ. Биз буни бутун Фаластин ерлари ва унинг муқаддас қадамжоларини озод қилиш йўлидаги муҳим қадам деб биламиз", - дея таъкидлади ҳаракатда.
Нашрнинг таъкидлашича, агрессия ва очлик фаластинликларнинг чидамлилигини синдира олмади, улар "бу мақсадга эришилганидан ва миллий жангчилар озод этилганидан умумбашарий хурсандчилик билдирмоқдалар".
Хамас радикаллари халқаро институтларни Исроилнинг анклавдаги ҳаракатларига чек қўйишга ва қамоқдаги фаластинликларни озод қилишга чақирди.
Эслатиб ўтамиз, 13 октябрь куни Фаластин ҳаракати ва унинг иттифоқдош радикал гуруҳлари Ғазо секторида ўт очишни тўхтатиш келишуви доирасида 20 нафар исроиллик гаровга олинганларни озод қилган эди. Бунинг эвазига Исроил 1968 фаластинликни қамоқдан озод қилди, улардан 250 нафари умрбод қамоқ жазосини ўтаётган ёки узоқ муддатга озодликдан маҳрум этилган.
Янгиланган Cobalt'нинг нархи эълон қилинди
Дунёдаги энг қашшоқ давлатлар
Покистонда «келинлар бозори» борлигини биласизми?
