Ўзбек автомобиль ишлаб чиқарувчиси UsAuto Motors машҳур седаннинг икки янги модификацияси — Chevrolet Cobalt Style MCM ва Cobalt Midnight MCM моделларини тақдим этди, деб хабар беради Finratings.kz.
Янгиликлар аввалдан мавжуд бўлган учта Cobalt комплектациясига қўшимча сифатида чиқарилди. Уларда илгари харидорларга таклиф этилмаган бир қатор янги функциялар пайдо бўлди.
Компания маълумотларига кўра, модернизация жараёнида автомобилнинг 50 дан ортиқ асосий таркибий қисми янгиланди. Жумладан:
Янги двигатель бошқарув блоки ўрнатилди;
Газ тақсимлаш тизими ва электрон бошқарув тизими такомиллаштирилди;
ABS тизими, хавфсизлик ёстиқчалари ва ҳимоя функциялари бошқарув блоклари янгиланди;
Диагностик модуль сезиларли даражада модернизация қилинди.
