Трамп маъмурияти Россия билан янги музокараларга тайёргарлик кўраётган бир пайтда Украинага нисбатан босимни кучайтирди — WSJ

Нашр эълон қилган мақолада айтилишича, АҚШ Россияга нисбатан янги санкциялар жорий этиш масаласига эҳтиёткор муносабатда бўлмоқда. Шу билан бирга, Вашингтон Украинага дипломатик босимни кучайтирмоқда.

"Русларга иқтисодий ва ҳарбий босимни кучайтириш учун воситалар мавжуд, аммо биз улардан фойдаланмаяпмиз" – деди АҚШ давлат котибининг Европа бўйича собиқ ёрдамчиси Дениэл Фрид.

Нашр маълумотларига кўра, маъмурият вакиллари айнан Украина кўпроқ дипломатик босимни ҳис қилаётганини тан олишмоқда. Трамп можарони дипломатик йўл билан ҳал қилишга умид билдириб, Киев янги қуролларга мурожаат қилмаслигига ишонч билдирмоқда.