Volkswagen электромобилларида хавфли нуқсон аниқланди

Германиянинг Volkswagen автомобиль концерни аккумуляторларда аниқланган носозлик сабаб дунё бўйлаб қарийб 72,7 мингта электромобилни қайтариб олади.

Бу ҳақда Bild нашри Германия Автомобиль транспорти федерал идораси (KBA) маълумотларига таяниб хабар бермоқда.

"Бунга аккумулятор элементларидаги носозлик сабаб бўлган. Энг ёмон ҳолатда ушбу нуқсон ёнғин келиб чиқишига олиб келиши мумкин", — дейилади хабарда.

Қайтариб олиш жараёни Volkswagen'нинг 2022–2025 йилларда ишлаб чиқарилган ID.3, ID.4, ID.7 ва ID. Buzz моделларини қамраб олади.

Шунингдек, 2022–2024 йилларда ишлаб чиқарилган Cupra Born электромобиллари ҳам қайтариб олинадиган автомобиллар рўйхатига киритилган.