Кремль Украинанинг босиб олинган ҳудудларида яшовчи украиналиклардан Россия фуқаролигини қабул қилишни талаб қилмоқда, акс ҳолда улар ҳудудни тарк этишга мажбур бўлади. Владимир Путиннинг бир кун олдин эълон қилинган фармонида таъкидланганидек, ўз мақомини қонунийлаштирмаганлар 10 сентябргача кетишлари керак. Гап Херсон, Запорожье, Луганск ва Донецк вилоятлари аҳолиси ҳақида бормоқда.
Расмий равишда одамларда танлов бор, лекин аслида мамлакатнинг Украина назорати остидаги қисмига кетишга уриниш жуда катта хавф билан тўла - улар фронт чизиғини кесиб ўтишлари керак. Қримга Украина ҳужжатлари билан саёҳат қилиш эса, ОАВ хабарларига кўра, одамларни орқага қайтариш билан якунланади. Россия паспортисиз қолганлар депортация қилиниш, иш жойидан маҳрум бўлиш, соғлиқни сақлаш ва таълим олиш имкониятидан маҳрум бўлиш, айрим ҳолларда эса мол-мулкини йўқотиш хавфи бор.
Аксарият украиналиклар босқинчи ҳокимият томонидан босим – таҳдид, калтак ва қийноқлардан шикоят қилади. Россия фуқаролигини олишдан бош тортганлар душман саналади. Шу билан бирга, Украина мажбурий паспортлаштиришни ноқонуний деб атайди ва Россия томонидан берилган ҳужжатларни тан олмайди.
Айни пайтда, Россия Ички ишлар вазирлиги маълумотларига кўра, 3,5 миллион украиналик аллақачон Россия паспортини олган. “Коммерсант” газетасининг ёзишича, Владимир Путин Доналд Трампни аннекция қилинган барча ҳудудларни, жумладан Қримни ҳам Россиянинг бир қисми сифатида расман тан олишга ишонтиришга умид қилмоқда.
"Турк йигитлари руслардан аёлларини тортиб олмоқда"
Украина самолётлари Россиядаги бошқарув пунктини йўқ қилди
Ерда пойлаб ётган Россиянинг энг зўр ҳужумчи дронлари Украина конвойларини яксон қилди
