Пайшанба куни Австралияда сўнгги уч ҳафтадаги коронавирус билан зарарланиш ҳолатларининг кунлик энг паст кўрсаткичи қайд этилди. Бу эса мамлакатдаги CОVID-19 нинг иккинчи тўлқини ниҳоят назоратга олинаётгани борасидаги умидларни кучайтирди.
Австралия бир пайтлар коронавирусга қарши курашда глобал лидер деб ном қозонганди. Лекин, Австралия яқин бир ойдан бери ўзининг аҳоли сони бўйича иккинчи ўринда турувчи Виктория штатида янги инфекцияланишни тўхтатишда қийинчиликка дуч келмоқда. Бу штатда бир неча ҳафталардан бери касалланганларнинг кунлик сони рекорд даражада кўпаяётган эди.
Леки, Австралияда 12 август куни 292 кишигагина коронавирус ташхиси қўйилди ва тўққиз киши вафот этди. 11 августда бундан 4 баравар кўпроқ одамнинг CОVID-19 га чалингани аниқланганди. Шунингдек, 12 августдаги статистика 20 июлдан бери мамлакатда қайд этилган кунлик энг кам кўрсаткичдир.
“Биз ҳозир ишонмоқдазки, мамлакатимизда касалланиш сони камаяётганининг дастлабки белгилари кўринмоқда” дейди Австралиянинг Соғлиқни сақлаш вазири Грег Ҳунт.
Чоршанба кунги янги касалланиш ҳолатларининг асосий қисми ҳам Викторияда қайд этилган бўлиб, бу штатда 278 киши вирусни юқтириб олган. Викторияда бу рақам 11 августда 410 кишини ташкил қилганди.
Австралиянинг аҳолиси энг кўп штати бўлган Янги Жанубий Велсда эса ўтган 24 соат ичида 12 та янги беморлар қайд этилган. Шунингдек, Жанубий Австралия штатида 2 киши CОVID-19 билан ташхисланган.
Ҳозиргача Австралияда умумий ҳисобда 22500 га яқин одам коронавирусни ютириб олган ва уларнинг 361 нафари вафот этган.
Россия ҳукумати бунга рози бўлди
Путин ва Илҳом Алиев темир йўл соҳаси фахрийлари ва ходимлари билан учрашув ўтказди
Иқтисодий жиҳатдан Молдова фақат Россия билан ҳамкорликда ривожлана олади
