Винисиус "Реал"даги келажаги бўйича қарор қабул қилди

Ҳужумчи Винисиус Жуниор келажагини белгилаб олди. Transfer News Live нашрининг нуфузли инсайдер Фабрицио Романога таяниб хабар беришича, Винисиус "Реал"да қолишни истамоқда. Бразилиялик футболчи клубни яхши кўради ва ҳеч қаерга кетмоқчи эмас. Шартномани узайтириш бўйича музокаралар жараёни давом этмоқда.

Аввалроқ, "Реал" Винисиусга шартнома шартлари бўйича таклифни оширмоқчи эмаслиги ҳақида хабарлар тарқалган эди. Мадридликлар бразилиялик футболчи келишувни узайтиришдан бош тортса, уни 2026 йилда сотиб юборишга ҳам тайёр.

Амалдаги меҳнат шартномаси Винисиусни 2026/2027 йилги мавсум якунига қадар "Реал" билан боғлаб туради.