“Veolia Energy” сабаб Тошкентдаги ўнлаб маҳаллалар чироқсиз қолди

26 июль куни Юнусобод туманида олиб борилган ер қазиш ишлари вақтида “Юнусобод” подстанциясидан таъминот олувчи “Universam-1” ва “Universam-2” кабел тармоқлари шикастланган.

Бу Шаҳристон тақсимлаш пункти орқали электр оладиган 14 та маҳалланинг чироқсиз қолишига сабаб бўлган.

Ишлар “Тошкент шаҳар электр тармоқлари” билан келишмасдан амалга оширилган. Айни пайтда аварияни бартараф этиш ишлари бошланган, электр таъминоти босқичма-босқич тикланади.

Масъуллар келтирилган ноқулайликлар учун аҳолидан узр сўраган.