Венгрия ташқи ишлар ва ташқи иқтисодий алоқалар вазири Петер Сийярто Европа Иттифоқи Украинадаги можарони Fortnite компьютер ўйини сифатида қабул қилишини айтди. Унинг сўзларидан ТАСС иқтибос келтирмоқда.
Будапештда бўлиб ўтган Фидес-Венгрия Фуқаролик иттифоқи партияси қурултойида сўзга чиққан амалдор Европа Иттифоқида "уруш психозидан азият чекаётганлар ва ўзларини Fortniteда тасаввур қиладиганлар бор" ва шу билан бирга, улар қурол-яроғ етказиб беришни ўта хавфли деб билишларини айтди.
"Европа сиёсий элитасининг муҳим қисми амалда ақлини йўқотди", деб таъкидлади у.
Сийяртонинг сўзларига кўра, ҳарбий ёрдам етказиб бериш орқали можаронинг чўзилиши қурбонлар ва вайронагарчиликлар сонининг кўпайишига олиб келади ва Украинага "қурол эмас, тинчлик" керак.
