Венесуэла собиқ саноат вазири Алекс Саабни АҚШга депортация қилди

Венесуэла фуқаролигига эга бўлган ва илгари Венесуэла саноат ва миллий ишлаб чиқариш вазири бўлиб ишлаган Колумбия фуқароси Алекс Наим Сааб Моран АҚШга депортация қилинди.

Бу эълон мамлакат ахборот ва коммуникация вазири Мигел Переснинг Телеграм-каналида эълон қилинди.

Баёнотда депортация қарори иммиграция қонунчилигига мувофиқ қабул қилингани айтилган. Расмийлар шунингдек, Саабнинг АҚШда бир қатор жиноятларга алоқадорлигини даъво қилмоқда.

Алекс Сааб илгари дипломатик элчи бўлиб ишлаган ва Венесуэлага озиқ-овқат ва дори-дармон етказиб беришни ташкил қилган. 2020 йилда у Қўшма Штатлар илтимосига биноан Кабо-Вердеда ҳибсга олинган ва 2021 йилда у пул ювиш айбловлари билан АҚШга экстрадиция қилинган.