12 кунлик уруш давомида АҚШ Исроил эҳтиёжлари учун қўшимча THAAD ҳаво мудофаа тизими ракеталарини Саудия Арабистонидан сўраган. Бу ҳақда Британиянинг Middle East Eye нашри хабар берди.
Июнь ойида, Эроннинг баллистик ракеталари Исроил шаҳарлари устига ёғилаётган бир пайтда, Исроил THAAD тизими учун мўлжалланган ракеталарини тугатиб қўйган.
🚫 АҚШ расмийлари Саудия Арабистонига етказилган THAAD ракеталарини вақтинча қайтариб олиш имкониятини муҳокама қилган, бироқ Риёд бу таклифга рад жавоби берган.
Эрон ва Исроил ўртасида жанглар кетаётган вақтда Саудия Арабистони 2017 йилда имзоланган шартнома асосида биринчи THAAD батареясини қабул қилишга тайёргарлик кўраётган эди.
❕ Америка расмийлари Эрон-Исроил ўртасидаги тўқнашув АҚШнинг ҳаво мудофаа ракеталари захирасини кескин камайтирганидан хавотирда.
12 кунлик жанглар давомида 150 та ракета-перехватчи (тўсиқ ракета) учирилган, бу Пентагондан 2010 йилдан бери сотиб олинган умумий миқдорнинг деярли чорак қисмини ташкил қилади. The Guardian нашрига кўра, жанглар якунига келиб АҚШда Patriot ракеталарининг атиги 25 фоиз захираси қолган.
Тахминларга кўра, АҚШ Исроилни ҳимоя қилиш учун ишлатиладиган ракеталарни тўлдиришга 2 миллиард доллар ва бир йил сарфлаши керак бўлади.
🛡️ Ҳозирда АҚШда жами 7 та THAAD ҳаво мудофаа тизими жойлаштирилган: учтаси АҚШнинг ўзида, иккитаси Исроилда, биттаси Саудия Арабистонида ва яна иккитаси Жанубий Кореяга юборилиши режалаштирилган.
Telegram’да янги функция пайдо бўлди (фото)
Буюк Британия Бош вазирининг баёноти Исроилни жазавага тушириб қўйди
3 ёшгача бўлган болалар учун йилига тахминан 500 АҚШ доллари берилади
