Ўзига кредит ажратилишини тақиқлаш имконияти пайдо бўлди

Ушбу хизмат бепул бўлиб, ундан дастлаб Кредит бюросининг расмий веб-сайти орқали фойдаланиш мумкин.

“Кредит-ахборот таҳлилий маркази" кредит бюроси 2025 йил 6 июнь санасидан "жисмоний шахслар тўғрисидаги маълумотларни кредит битими тузиши тақиқланган шахслар реестрига киритиш ёки реестрдан чиқариш бўйича" хизматни жорий қилаётганлигини маълум қилди.

Мазкур хизмат орқали жисмоний шахслар ўзларининг иштирокисиз ёки хабарисиз кредит битими расмийлаштирилишининг олдини олиш учун ўзи билан кредит битимини тузишни кредит бюросига ариза киритиш орқали тақиқлаш имкониятига эга бўладилар.

Бу ўз навбатида бугунги кунда ўсиб бораётган яъни, жисмоний шахсларнинг хабарисиз кредитлар расмийлаштирилиши ҳолатларининг олдини олишга туртки бўлади.